Sunday, April 25, 2010

Versi Kelate

Kelate mene lagi male nie. Kawe sero nak tulih blog dale bahaso kelate male nie.Ikut lah ore nok kato gapo pung tapi kawe meme raso suko do'oh male nie.Kawe suko kelih game male nih bilo kelate timbuk KL 3 kosong.Doh la sek2 kelate men kat stadium cheras. Rugi kawe kelik awa KB, kalu dok bulih doh gi kelih sek2 Kijang main male nih. Saing2 kawe pakat gi tengok belako kat stadium tuh. Takpo kawe tunggu kelate lawe pahang pahtu kelate lawan ganu pulok.Tok sabar nok gi gegar stadium kelate.Gomo kelate gomo.

Kawe tamboh suko jugok sebab lonie Inter tengoh leading.Meme Inter akan mene lah male nie pahtu siap2 nak gi Nou Camp lawe Barcelona pulok Rabu nie. Minggu nie meme akan tido lewat sokmo la kawe duk tengok bola jah male-male. Lagipun meme tengoh sedap belako liga England, Spain, Italy dan Jerman. Seme kawe tengok. Hok mano sedap laa.

Kawe tok lupo jugok ko liga Malaysia. Kawe tengok jugok gitu-gitu kat astro arena tuh. Mano bulih lupo liga negara kito dok? Sokong Inter. Sokong Kelate jugok. Tengoh nok cari duit nih. Nok beli Jersey Kelate hok ori. Muroh jah tapi tu lah lonie takdop duit.Sapo-sapo raso kayo tuh hulur lah ko kawe sikit-sikit. Semangat skit gi stadium nanti paka baju tuh. Biar merah seme. Kete merah doh cuma nombor plet jah tok tukar. Takpo2. Seme ore tahu doh tue keto kawe. Kawe banggo jadi ore kelate.

Ore len oyat, Ore kelate nih unik sbb;

Ore pompuan = comel
Kalu kijo = rajin
Kalu belajar = pandai
Kalu bab makan = meme sedap sangat
kalu kuih kelate = manis seghoti
tapi kalu cari gaduh = meme nahas laa
tok cayo? = tengok di bukit jalil tahun lepas lah
ore kelate tok puah hati = bakar seme

Ambo Soho Jadi Ore Kelate

9 comments:

  1. hihi..yo..kih ki..mu kelik klate x oyak...huhu..(btol ke ak ckp nie??)hihi...have a nice holiday,kropok leko jgn lupe tau,haha..

    ReplyDelete
  2. Kemah2....

    Sokong biar bijak, Dipandang bijak, bertindak bijak, Main biar bijak...Bijak Sokmo...Gomo Kelate Gomo...!!!

    ReplyDelete
  3. Ambe bangge jadi orang terengganu!. peteh ganu peteh!!!!!

    ReplyDelete
  4. kayrole - beres2..suh roy tuh kepok.ganu sedap lagi kepok

    megat - meme doh.Kelate bijok sokmo doh

    zu - sejak bila pulok mu jadi burung nie

    roy - hahaha.tunggu la peteh tue

    ReplyDelete
  5. ambo soho ambo orang ganu.
    giv me 5 yana!
    hehe..

    aku n0k tmb0h s0 ag.

    ore kelate(laki2)- panah barang b0h..

    T_T

    ReplyDelete
  6. yana and jaa - eleh..tok soho pun ehh

    ReplyDelete
  7. yana - ambe bukan ambo. ambe bangge jagi rakyat terengganu. dulu takdok mekdi lening ade doh. tunggu GSC plok nok wak tepi mydin!

    ReplyDelete

berkata-kata lah sesuka hati....

Jom Share